Opozita e bashkuar ka njoftuar zhvillimin e një proteste sot para godinës së Parlamentit, ndërkohë që shumica e drejtuar nga socialistët në mënyrë të beftë vendosi zhvillimin e seancës në orën 17:00.
Protestuesit do të mblidhen në orën 16:30, ndoshta për të penguar hyrjen e deputetëve në Kuvend, por duket se policia ka marrë masat për rrethimin e godinës.
Kështu drejt Kuvendit janë nisur dhe po parkohen automjete që hedhin ujin me presion, por edhe forca të ndërhyrjes së shpejtë.
Javën e kaluar, më 21 shkurt, policia rrethoi kuvendin me gardhe teli, me synim për të penguar protestuesit të hynin në mjediset parlamentare.
