Pas daljes nga parlamenti zv/kryeministri ka komentuar protestën e opozitës dhe është shprehur se nuk janë protestat ata që na duhen por puna dhe mirëqenia.
Por, ajo që harron Braçe është që është ai në pushtet dhe protestuesit pikërishtë këto gjëra po kërkojnë dhe ai është në pushtet dhe ai është personi që duhet të ja sigurojë popullit këto dhe më tepër pasi për atë punë është votuar.
Braçe nuk mund të kërkojë punë dhe mirëqenjë nga opozita, por vetes.
“Një ditë e qartë dhune kundër institucioneve. Mos të mendojë kush se integriteti i një deputeti e veçanërisht zonjave që janë kërcënuar sot është cenimi i integritet personal i secilit prej nesh jo është cenim i integritetit kushtetues”, tha Braçe.
Pyetjes se a i bëri parlamenti karshillëk qytetarëve sot, Braçe iu përgjigj: “Të miratosh strukturën e KLGJ, të KLP, dy ligje të rëndësishme, i kërkoj ndjesë protestuesve që i kisha paraqitur në interes të bujqve. Të bësh këto nuk është karshillëk por t’i shkosh deri në fund reformës në drejtësi.
Në qoftë se ne kemi kriza që riciklohen në mënyrë të dhunshme si kjo që shihni janë pasojë e sistemit të munguar të drejtësisë. T’ju shërbesh bujqve, e t’u japësh certifikatën e pronësisë nuk është karshillëk”, tha Braçe.
Për sa i përket vijimit të protestave, Braçe bëri thirrje për të ndalur dhunën.
“Punë e tyre, zgjedhja e tyre, siç është zgjedhja e tyre te djegë mandatet më takon të bëj thirrje që po përsëritet në të gjitha gjuhët të ndalin dhunën dhuna si duhet kujt. Ky vend ka nevojë për qetësi, punë, mirëqenie”, tha Braçe.
