Mbështetësit e opozitës po mblidhen para godinës së Parlamentit, atje ku në orën 17:00 do të nisë seanca plenare.
Një pjesë e protestuesve janë ende para selisë ose në oborrin e godinës së PD-së, ndërkohë që qindra të tjerë janë mbledhur rreth godinës parlamentare.
Ajo që bie në sy është prania shumë e madhe e uniformave të policisë që kanë ngritur gardhet, në një perimetër të gjerë, nga godina parlamentare.
Punonjësit e policisë janë pajisur me kundragaz, ndërsa në mbështetje të tyre do të jenë edhe trupat e FNSH, repartit Shqiponja dhe Gardës së Republikës.
Ndërkohë trupat e FNSH janë pozicionuar në oborrin e Xhamisë së Namazgjasë, ndërsa në tarracat e godinave përreth janë pozicionuar efektivë të RENEA-s.
