Disa dhjetra qytetarë janë dëmtuar si pasojë e sulmit me gaz lotsjellës nga policia, gjatë protestës që prej disa orësh ka nisur përpara godinës së Kuvendit.
Policia sulmoi me gaz protestuesit, ndërsa një pjesë e tyre tentuan të çanin rrethimin policor.
Nga përdorimi i gazit raportohet se janë dëmtuar edhe qytetarë që ndodheshin në mjediset pranë Kuvendit, por që nuk kishin lidhje me protestën.
Shërbimet e urgjencës kanë ndërhyrë disa herë për të dhënë ndihmën e parë ndaj qytetarëve, ndërsa forcat e policisë më parë kishin vendosur maskat kundragaz.
