Ne do të reagojmë deri në fund, arroganca e Edi Ramës do të përkeqësojë gjendjen. Kjo është deklarata e bërë nga Edi Paloka, nënkryetari i PD-së, në studion e Opinion.
Paloka tha se pasi policia hodhi helmin ndaj protestuesve, kam parë persona që ishin të gatshëm që të hanin jo vetëm policët, por edhe ata që ishin në sallë.
Nënkryetari i PD tha se ishin protestuesit që i hapën rrugën deputetëve për t’u larguar nga Kuvendi.
“Sot policia ka humbur të drejtën edhe për të përdorur dhunën sikundër e përcakton ligji, pasi sot u përdorën si ushtarë të krimit, për të mbrojtur deputetë që janë në Kuvend me votat e krimit.
Përgjigjia që do të japim edhe ndaj tyre do të jetë në përpjestim të drejtë me atë që ata përdorin.
Protesta e ardhshme do të jetë kur ata të vendosin të mbledhin Parlamentin, ndërsa protesta e madhe do të mbahet në 16 mars.
Aq njerëz u mblodhën në shumë pak orë dhe ky është një sinjal shumë i rëndë ndaj atyre që duan të sillen me arrogancë”, tha Paloka.
