Komisioni i Bursave dhe Letrave me Vlerë (SEC) i ka kërkuar një trupe gjykuese në Neë York që të gjykojë mospërfilljen e ligjit nga shefi i Tesla-a, Elon Musk. Thirrja vjen pasi Musk publikoi një postim për prodhimin e makinave Tesla.
Vitin e kaluar, Musk kishte rënë dakord të mos bënte komente rreth performancës financiare të Tesla-s pas një marrëveshje me kompaninë. Marrëveshja hyri në fuqi në gusht të 2018, pas komenteve të tjera të tij për të konsideruar Tesla-n si një kompani private.
Aksionet e Tesla ranë me 5% menjëherë pas lajmit.
Javën e kaluar, ai tha se kompania synon të prodhojë 500,000 makina në 2019-ën. Në padinë e dërguar pranë gjykatës nga SEC, thuhej se Musk nuk kishte marrë aprovim përpara publikimit të cicërimës. SEC thotë se informacioni ka qenë publik për 24 milionë njerëz.
Musk tha se këto shifra ishin bërë publike edhe më parë në një telefonatë me analistë financiarë. Në një cicërimë tjetër Musk dha më shumë informacion duke thënë se Tesla synon të prodhojë 10 mijë makina në javë.
