Kryeministri Edi Rama ka kërkuar nga ligjvënësit socialist që të vazhdojnë normalisht aktivitetet e tyre pavarësisht situatës së krijuar pas dorëzimit të mandateve nga deputetët e opozitës.
Në një mbledhje të Kryesisë të PS-së, Rama ka vënë theksin në angazhimin normal të deputetëve, por edhe në përgatitjet për zgjedhjet vendore, sipas zonave ku janë ngarkuar.
Kjo është mbledhja e parë që pas dorëzimit të mandateve të deputetëve të opozitës.
Rama po përpiqet të tërheqë vëmendjen nga kriza politike, duke mos i dhënë rëndësi djegies së mandateve, megjithëse e komenton një vendim të tillë të marrë nga opozita, në çdo bashkëbisedim që bën me qytetarët.
Pas mbarimit të mbledhjes, Taulant Balla, u shpreh se qeveria është e vendosur për të vijuar më tej, pavarësisht kërkesave të opozitës për qeveri kalimtare.
“Të enjten do të jemi në Kuvend për të votuar KLGJ dhe KLP”, tha Balla.
