Ditën e premte në emisionin e Arian Çanit, ”Zonë e Lirë”, ishte i ftuar gazetari Andi Bejtja.
Në emisionin e Çanit u diskutua një moment ku Bejtaj doli jashtë etikës së gazetarit në emisionin “Opinion” të Blendi Fevziut , pasi ky i fundit nuk u lejua nga të ftuarit që të shtjellonte argumentat e tij.
Por ajo që vihet re gjatë bisedës janë disa “thumba” të hedhur nga Çani drejt emisionit të Fevziut.
Arian Çani: Fakti që ti pranon të shkosh në debate të tilla, ku ka më shumë zhurmë se sa shkëmbim argumentash, besoj se ka një moment që ti je koshient që mund të ndodhë kjo gjë.
Andi Bejtja: E di si është puna Cani, ne vijmë dhe marrim pjesë në debat dhe duam të themi ato që kemi në kokë për të thënë. Kur nuk të lënë ti thuash, kur nuk të lënë të shtjellosh tezën, ti del edhe idiot nesër, e kupton? Thonë njerëzit, po ky cfarë ka dashur të thotë, nuk u kuptua fare.
Arian Çani: Por njerëzit që kanë qef të shohin këto lloj debatesh Bejte, të jesh i bindur që nuk është se shohin për të dëgjuar ndonjë gjë, më shumë shohin për të dëgjuar zhurmë.
