Vendimi i Ramës bie pa mbushur muajin/ Ja çfarë ndodh me makinat e përdorura…

Edhe pse nuk ka mbushur muajin në krye të Ministrisë së Infrastrukturës, ministrja Belinda Balluku ka vendosur të anulojë një tjetër vendim të paraardhësit të saj.

Mësohet se Balluku ka kërkuar ndryshimin e vendimit për ndalimin e importit të makinave më të vjetra se 10 vite prodhim, duke ndikuar kështu në ndotjen e mjedisit.

Prej janarit të këtij viti në Shqipëri nuk lejohet importi i automjeteve më të vjetra se 10 vite nga prodhimi.

Vendimi i marrë në mbrojtje të mjedisit mësohet se është kërkuar të ndryshohet prej Ministres së Infrastrukturës dhe Energjetikës Belinda Balluku, raporton Ora News.

Burimet janë shprehur se grupit të punës i është kërkuar nga Ministrja të rishikojë vendimin e dhënë prej paraardhësit të saj, duke favorizuar kështu tregtarët e makinave të vjetra e duke ndikuar njëkohësisht në ndotjen e mjedisit.

Më parë ka qenë Kryeministri Edi Rama që gjatë bashkëbisedimit me qytetarë paralajmëroi rishikimin e vendimit për ndalimin e importit të makinave të përdorura. Rama e sqaroi këtë qëndrim të ri me faktin se kishte pasur shumë ankesa dhe shqetësime të shprehura nga qytetarët.

 

PËRGJIGJU

Please enter your comment!
Please enter your name here