Kryesia e Partisë Demokratike vendosi pasditen e sotme në mënyrë unanime shkarkimin nga funksionet dhe anëtarësia të deputetit Myslym Murrizi.
Shkak këtë këtë vendim është refuzimi për të zbatuar vendimin politik të PD-së, si dhe forumeve më të larta drejtuese të kësaj partie, grupit parlamentar, Kryesisë dhe Këshillit Kombëtar, për dorëzimin e mandatit të deputetit.
Ndërkohë në një reagim të tij, Murrizi tha se do të jetë në Kuvend si përfaqësues i elektoratit të tij dhe i studentëve të dhjetorit që u ngritën dhe thanë e duam Shqipërinë si Evropa dhe Amerika.
Murrizi ka hedhur akuza të forta ndaj PD-së, edhe pse muaj më parë sulmonte ata që konsideroheshin si kritikë apo kundërshtarë të Bashës në këtë forcë politike.
“Nuk është hera e parë që merret një vendim i tillë ndaj meje. Kjo është frymë e partisë të lidhur me Sigurimin, që sillen në këtë formë kur nuk u vjen pas avazit. Pse nuk u mor një vendim i tillë për Mesila Dodën dhe Shpëtim Idrizin që morën votat e demokratëve në vitin 2013”, tha Murrizi për Opinion.al.
