Ish-ministri i Drejtësië, Nasip Naço, gjatë fjalës së mbajtur në Komitetin Drejtues të LSI-së, ka zbuluar një detaj, sesi është tentuar të blihet kryebashkiaku i Skraparit, Nesim Spahiu.
“Mora fjalën në shenjë solidariteti për kryetarin e Bashkisë së Skraparit, z. Spahiu, i cili ndodhet këtu. Do të doja një duartrokitje të fortë për ta mbështetur,sepse ndaj tij ushtrohet një presion i paparë.
Në fillim kanë dashur ta blejnë dhe nuk ia arritën dot. i bllokuan buxhetin dhe tani kanë filluar me presione. Nesim faleminderit që je pjesë e LSI-së. Si ju edhe të tjerët do ti rezistojmë këtij presioni të madh që po na bëhet”, tha Naço.
Në vijim ai u shpreh se dorëzoi mandatin e deputetit për shkak të arrogancës së qeverisë Rama.
“Le të vijmë te çështja e teatrit e diskutuar nga të gjithë. Ministrat nuk denjonin të flisnin në Parlament, sepse ishin arrogantë, nuk ishin me të vërtetën, se nuk justifikonin dot që 8 mijë metra katrorë në qendër të Tiranës do të jepej me koeficent 8%. Nuk e thonë vlerën e saktë dhe me të drejtë Presidenti e ktheu. Me të drejtë ata nuk guxojnë të ndërtojnë atje, sepse ne jemi të gjithë bashkë. Ajo është prona juaj, prona jonë, është pronë publike. Të gjithë e dini se nuk mund të ndërtosh në Tiranë, në qendër minimumi pa 40% dhe arroganca e tyre na ka bërë ne, pavarësisht gabimeve që kemi bërë, të dalim në rrugë”, tha Naço.
