Prindërit e ish-kryeministrit Italian, Matteo Renzi, do të qëdrojnë në arrest shtëpie, pas vendimit të dhënë nga gjykata, e cila i gjeti fajtorë për mashtrim dhe falimentim të rreme.
Tiziano Renzi dhe Laura Bovoli do të duhet të presin gjykimin me masën e sigurisë, raportojnë mediat italiane.
Guardia di Finanza zbatoi urdhrin e lëshuar nga autoritetet duke lënë në arrest shtëpie prindërit e ish-kryeministrit edhe për mashtrime bankare dhe fatura false.
Avokati i tyre, Federico Bagattini, ka thënë se vendimi i dhënë nga gjykata është i pazakontë.
Hetimi ndaj prindërve të Renzit u bë fillimisht nga prokurori i Cuneo, Pier Attilio Stea. Më pas dokumentet u transferuan në Zyrën e Prokurorisë së Firences pikërisht për marrëdhëniet me “Eventi 6” dhe tani është vendosur të vazhdohet me tej.
Sipas akt-akuzës, “të dyshuarit shkaktuan falimentimin e kompanisë si rezultat i operacioneve me qëllim të keq që përbën dështimin sistematik të pagesës së kontributeve dhe taksave të sigurimeve shoqërore”.
