Departamenti antikorrupsion në Partinë Demokratike i ka bërë investigimit të Boldnews.al mbi konfliktin e rëndë të interesit të ministres Elisa Spiropali, ku bashkëshorti i saj i jepte tendera vëllai të Elisës.
Thellohet skandali i ministres Elisa Spiropali, kësaj here e kapur si nëshkruese ajo vetë e fondeve publike në favor të shoqërisë së vëllait.
“Rezulton se Dogana Fier dhe Dogana Vlorë kanë kryer pagesa në favor të kësaj shoqërie për objekte si pjesë këmbimi, pajisje zyre, orendi zyre dhe…nuk mund të mungonte as trau. Kush më mirë se vëllai i kryedoganieres mund të vendoste traun në doganat nën varësinë e saj?!
Kështu, nga Dogana Fier ka përfituar vlerën 12 mln lekë dhe nga Dogana Vlorë, vlerën 5,8 mln lekë.
Shoqëria e krijuar teksa Skënderbeu i Spiropalit ngjiste shkallët e kryeministrisë, nën urdhrat e zonjës 5 milion Euro, nuk humbet minutin për të filluar procesin e zhvatjes nga të katra anët e duke kontribuar, gjithashtu, në rritjen e vlerës së zërit “luks qeveritar”.
Këto raste përbëjnë konflikt të pastër e të rëndë interesi dhe përgjegjësia penale e zonjës sot ministër është e qartë dhe e pakundërshtueshme përballë çdo prokurorie të pakapur nga krimi.
Skandali vijon…”, thuhet në një reagim të Departamentit Antikorrupsion.
Boldnews.al denoncoi skandalin, duke publikuar dokumente që provojnë skemën e biznesit ndërmjet Salarjon Totaj (bashkëshorti i Spiropalit), Enkli Spiropalit (vëllai i Spiropalit) dhe Marjus Memushajt (krushku i Spiropalit). Të paktën 350 mijë dollarë është shifra e përfitimeve që ka realizuar ky trekëndësh, që tabanin e vet e ka të mbështetur në karrierën politike të zonjës Spiropali.
350 MIJË USD – Bashkëshorti i Spiropalit ia dha tenderat vëllait të Elisës
