Rojet private të Pjerin Ndreut në QSUT dhunojnë pacientët (VIDEO)

Rojet private janë kthyer në një ferr të vërtetë për pacientët dhe qytetarët që shkojnë për të marrë ndihmë mjekësorë në QSUT.

Në redaksinë e Boldnews, një qytetar ka denoncuar faktin se si rojet private të deputetit socialist Pjerin Ndreu, kërcënojnë dhe dhunojnë pacientët në QSUT.

Sipas denoncuesit në QSUT mjekët janë zëvendësuar nga rojet e Pjerin Ndreut, pasi asnjë nga bluzat e bardha nuk ndodhet në ambientet e urgjencës për tu ardhur në ndihmë qytetarëve.

Kjo nuk është hera e parë që rojet private të Pjerin Ndreut akuzohen për dhunë ndaj qytetarëve.

Pak muaj më parë, PD me anë të zëdhënëses Ina Zhupa, denoncoi faktin se si OSHEE me anë të rojeve privatë të deputetit socialist (Ndreu Security) ushtronte presion mbi qytetarët e varfër shqiptarë të cilët nuk kishin mundësi ta paguanin energjinë elektrike.

Ndërkohë, një tjetër akuzë ndaj deputetit socialist është ajo që përmes firmës së tij “Ndreu Security Service” që prej ardhjes së Ramës në pushtet ka përfituar një shifër të konsiderueshme tenderash, duke lidhur në këtë periudhë rreth 31 kontrata shërbimi me institucionet publike. Përgjatë periudhës shtator-dhjetor 2013, Pjerin Ndreu ka 4 kontrata, janar 2014-dhjetor 2014 ka 11 kontrata, janar 2014-dhjetor 2016 ka 16 kontrata. Pra, në total një shifër prej 31 kontratash.

LEXO EDHE  U kapën duke transportuar emigrantë të paligjshëm, arrestohen 4 të rinjtë në Korçë

Edhe vetë kreu i PD, Lulzim Basha denonconte tre vite më parë në mbledhjen e grupit parlamentar demokrat, se si deputeti socialist përmes fimrës së tij të rojeve private po grabiste paratë e taksapaguesve shqiptarë.

“Ndreu Security e Pjerin Ndreut në 3 vjet, 37 tendera 916 milion lekë”,deklaronte Basha tre vite më parë.

Lexo edhe: Skandal në Urgjencën e QSUT/ Policia dhe rojet dhunojnë pacientët. Asnjë mjek në detyrë