Ministri i Brendshëm Sandë Lleshaj ka reaguar lidhur me ngjarjen e sotme në parlament, ku nënkryetari i PD-së Edi Paloka, qëlloi me bojë kryeministrin Edi Rama.
Në një reagim në Twitter, Lleshaj përpiqet të shtrembërojë simbolikën e gjestit të Palokës, i cili u shpreh se veprimin e bëri për t’iu përgjigjur sjelljes bulliste të Ramës.
Ndërsa Lleshaj, e lidh gjestin e Palokës me një qëndrim kundër Maqedonisë në Nato.
“Maqedonia e Veriut në NATO është interes edhe i Shqipërisë. Përpjekja e opozitës për të njollosur solemnitetin atlantik të një vendimi në Kuvend, është turp dhe dëshpërim.
Përpjekja e sotme ishte shumë e ngjashme me ato skena që krijoi Gruevski në Kuvendin e FYROM në prill të 2017 në bashkëpunim të ngushtë me kumbarët antiatlantikë nga Lindja.
Asgjë nuk e ndalon vullnetin e njerëzve të lirë të Ballkanit për t’u bashkuar në NATO dhe BE. Urime për Maqedoninë e Veriut”, shkruan Lleshaj në Twitter. /Boldnews.al/
