Ekspertë të Policisë së Shtetit kanë zbarkuar në Kuvendin e Shqipërisë, pas incidentit të ndodhur, ku ndaj Kryeministrit Edi Rama, u hodh bojë e zezë.
Policia ka shkuar pas seancës plenare për të mbledhur provat mbi incidentin, ndërsa Garda e Republikës, më herët njoftoi nisjen e proçedimit penal ndaj deputetit, Edi Paloka.
Garda njoftoi se me strukturat e specializuara të Policisë kanë nisur hetimet për incidentin.
Kjo është hera e parë që policia tregohet në një nivel të lartë gadishmërie për të hetuar incidentet parlamentare, megjithëse në sallën e Kuvendit, kanë ndodhur edhe incidente më të rënda.
Garda gjithashtu njoftoi se mbi Kryeministrin u hodh një solucion kimik.
Ndërkohë Rama pak minuta pasi u përlye me bojë, u pastrua me ujë në një nga ambientet e brendshme të Kuvendit, pa pasur ndonjë pasojë.
