Një punonjës i Gardës së Republikës vrau në banesën e tij bashkëshorten. Alket Arapaj, 44 vjeç, ka qëlluar me armën e shërbimit mbi bashkëshorten, shtetasen Ervilma Seferi 36 vjeçe.
Nga të dhënat e para mësohet se vrasja ka ndodhur në apartamentin e çiftit, që ndodhet në një pallat, kati i 4-ët, në zonën e Alliasit. Krimi ka ndodhur rreth orës 06:00, në dhomën e ndenjes.
Mësohet se në banesë ndodhej edhe vajza e mitur e çiftit, ndërsa policia është njoftuar nga fqinjët.
Punonjësi i Gardës është arrestuar në kushtet e flagrancës në banesë nga policia, ndërsa vijojnë hetimet për zbardhjen e ngjarjes së rëndë.
