Aderimi i Maqedonisë së Veriut në NATO, Bushati kritika Ramës: Nuk evidenton rolin…

Komisioni i Ligjeve edhe ai për Politikën e Jashtme miratoi protokollin për aderimin e Maqedonisë së Veriut në NATO.

Por ajo që bëri përshtypje gjatë mbledhjes së Komisionit, ishte kritika që ish-ministri Ditmir Bushati adresoi ndaj qeverisë, pikërisht për relacionin për ratifikimin e protokollit të aderimit të Maqedonisë së Veriut në NATO.

Bushati u shpreh që dokumenti ka mangësi pasi në asnjë rresht nuk evidentohet roli i Shqipërisë në këtë proces.

“Nuk përmendet në relacion marrëveshje e Ohrit. Mendoj që duhet të jemi të kujdesshëm për ta qepur siç duhet këtë dokument sepse ka të bëjë me politikën shtetërore tone”, tha Bushati.

LEXO EDHE  Lali Eri, PPP!

Edhe pse dha votën pro protokollit, opozita reagoi ashpër duke e cilësuar si mungesë serioziteti mospraninë e ministrit të Jashtme të akredituar në prezantimin e këtij relacioni.

“Në suazën e pupacëve që janë vendosur për të çaur në një anarshi të plotë përsëri të re, ndoshta në gjithë rajonin, të cilat rrezikojnë rëndë pozicionin e Shqipërisë, pozicionin tonë në NATO. Zoti ministër i Jashtëm nuk ka pse të fshihet skutave”, tha Tritan Shehu.


PËRGJIGJU

Please enter your comment!
Please enter your name here