Durrësi është një nga qytetet ku disa qindra qytetarë kanë protestuar kundër qeverisë Rama. Pas protestave në Urën Vajgurore, Elbasan, Berat dhe zonën e Astirit në Tiranë, qytetarët durrsakë i janë përgjigjur thirrjes së opozitës për të protestuar ndaj qeverisë Rama.
Drejtuesit e Partisë Demokratike në Durrës, u detyruan të zhvillonin në ambjent të hapur një tubim organizativ në kuadër të protestës së 16 shkurtit në Tiranë. Qytetarë të shumtë të cilët u bënë pjesë e këtij tubimi hodhën parulla kundër qeverisë Rama, që sipas tyre e ka kthyer Durrësin në një vend ku kontrollin e kanë bandat.
“Jetën tonë e ka në dorë krimi dhe jo shtetit. Krimi na e vjedh votën për llogari të Rilindjes, e cila nga ana tjetër paratë tona ia jep bandave dhe oligarkëve”.
Një tjetër arsye që i ka nxitur qytetarët e Durrësit të ngrihen në këmbë, është edhe betonizimi i qytetit dhe shkatërrimi i turizmit në qendrën më të madhe turistike të vendit.
