Në 17 shkurt Kosova mbush 11 vjet si shtet i pavarur. Për këtë festë shtetërore është bërë publike edhe logoja për nder të 11-vjetorit të Pavarësisë së shtetit,. “Kosova, nder dhe detyrë”, janë fjalët të cilat i mban kjo logo.
Ndërkaq duhet kujtuar se logoj për dhjetë vetorin e pavarësisë, u kritikuar nga shoqëria civile si plagjiaturë. Përzgjedhja e logos për 10 vjetorin ishte bërë nga Këshilli Organizativ që është nën patronatin e presidentit Hashim Thaçi. Pas kritikave, ishte përzgjedhur një logo tjetër e re e për të dëshmuar autenticitetin e saj, autorët kishin bërë publike tërë punën praktike sesi kishin ardhur deri te versioni final.
Këtë vjet festa organizohet nën patronatin e Qeverisë së Kosovës. Për festimin sa më të mirë të kësaj dite, të dielën e 17 shkurtit 2019, janë planifikuar shumë aktivitete nga institucionet e Kosovës.
17 shkurti do të nisë me mbledhjen e Qeverisë së Kosovës, e cila mësohet se është menduar të ketë karakter festiv.
