Kryetarja e Agjensisë Shtetërore për të Drejtat dhe Mbrojtjen e Fëmijës, Alma Tandili Lleshi, ka bërë të ditur se familja dhe vajza nga Kavaja, e cila u dhunua nga disa adoleshentë, janë në marrë në trajtim nga Agjensia, si dhe është kërkuar ngritja e ngjarjes në nivel ekspertësh.
Ajo e bëri deklaratën në Top Show, që trajtoi rastin e rëndë të përdhunimit nga 8 djem minorenë të 13-vjeçares, ngjarje e cila ka tronditur opinionin.
Krimi u denoncua nga ish-kryeministri Sali Berisha, ndërsa pas publikimit, policia arrestoi personat e dyshuar si të përfshirë në krim.
“Flasim për fëmijë që ndjehen të cënuar. Është prekur dinjiteti i fëmijëve të gjithë shkollës”, u shpreh Alma Tandili Lleshi, duke shtuar se çështja është akoma edhe më komplekse.
‘Çështja është kaq komplekse sa fëmijët tani po e kuptojnë që kanë bërë një vepër penale. Sepse deri tani ata e konsideronin këtë si një lojë”, u shpreh ajo.
