Kreu demokrat Lulzim Basha ka nisur takimet në Vorë, ku ka theksuar se në të gjitha bashkitë që qeverisin përfaqësuesit e PD-së aplikohen taksat e ulëta.
Basha tha se referuar statistikave të FAO-s, 1 në 10 shqiptarë hanë bukë vetëm 1 herë në ditë.
“Zgjidhja e vetme mbetet ulja e taksave, ulja e çmimit të naftës, rritja e investimeve të huaja, duke krijuar një klimë tërheqëse.
Tepsia është mbushur me taksat tuaja, por nuk kthehen në shërbime për qytetarët. Kush përfiton nga tepsia? 5 persona që përfitojnë dhe ndajnë lekët me Edi Ramën.
Ne do të heqim taksën Rama dhe do të kemi çmimin e naftës 300 lekë më pak. Kjo do të bëjë që lëvizi zinxhiri.
Do të ulim çmimin e energjisë për biznesin dhe konsumatorët, çka do të thotë se do të kemi më shumë para në xhepat e qytetarëve, do të kemi rritje ekonomike.
Ajo që ju kërkojmë është të bashkohemi të gjithë dhe të bëjmë qëndresën si popull. Nëse nuk reagojmë fort dhe të bëjmë qëndresën tonë, atëherë nuk ka zgjidhje tjetër, pasi ju i patë se ç’bëhet me votat”, tha Basha.
Në vijim ai shtoi se duhet prerë nyja gordiane mes krimit, politikës dhe ekonomisë dhe këtë mund ta bëjë vetëm populli.
