Një kërkesë për “Piaristin” e “EHW” Mentor Kikia: Tregoni si i bëni filetot e pulës

Nga Boldnews.al

“Boldnews.al” ri-publikoi pak ditë më parë një shkrim investigues të kolegëve të “Alertnews”, në të cilën publikoheshin fakte të rënda, të shoqëruara me foto-dokument, për cilësinë e produkteve të mishit, të tregtuara nga kompania “EHW”.

Redaksia e “BN” vendosi ta sillte atë shkrim për lexuesit e saj, nisur nga parimi i lartë i mbrojtës së shëndetit të qytetarëve nga produktet që shiten në marketet shqiptare.

Kompania “EHW”, nëpërmjet një njoftimi të shpërndarë për mediat mbrëmjen e së Martës, të hartuar nga PR-isti (PR-Public Relation), Mentor Kikia, zgjodhi të mos përgjigjet mbi konstatimet e shkrimit, por t’u kundërvihej mediave on-line që publikuan skandalin.

Reagimi i kompanisë EHW i cili është përgatitur nga drejtori i lajmeve ne Klan Plus, Mentor Kikia

“EHW”, nëpërmjet PR-istit Mentor Kikia, pretendon se shkrimet kundër kompanisë së saj janë si “produkt i refuzimit të ofertave të reklamimit nga ana jonë për këto media online”.

“Boldnews.al” sfidon kompaninë “EHW” dhe piaristit Mentor Kikia që të publikojnë, nxjerrin apo faktojë qoftë një komunikim të vetëm me redaksinë tonë, për çdo lloj argumenti, përfshirë edhe për reklama. Zero është rezultati. Por këtë shpresojmë që ta konfirmojë edhe “EHW” dhe piaristi Kikia.

“Boldnews.al” është një medium on-line, i cili operon në ekonominë e tregut, ku reklamat janë “lubrifikanti i zhvillimit”. Por, redaksia jonë ka zgjedhur që të mos zhvillojë asnjë bashkëpunim tregtar apo të çdolloj forme tjetër me kompani, të cilat shesin produkte që rrezikojnë seriozisht shëndetin dhe jetën e qytetarëve shqiptarë.

LEXO EDHE  E rëndë/ Shqiptari humb jetën në një aksident tragjik, njësoj si i biri pak vite më parë! Emri (Foto)

“Boldnews.al” i qëndron publikimit të shkrimit të “Alertnews” dhe, madje, brenda kapaciteteve të saj, do të ndjekë me vëmendje çështje të kësaj natyre, përfshirë edhe verifikimet e mëtejshme të produkteve të kompanisë “EHW”.

Këtë sipërmarrje ne do ta vijojmë, derisa kompania “EHW” dhe piaristi i saj, Mentor Kikia, do të jetë të gatshëm të tregojë në mënyrë të sinqertë, sa më poshtë:

  1. Të tregojë, vetë ose nëpërmjet piaristit Kikia, se si realizohet prodhimi i filetove të punës, të cilat tregtohen në marketet e saj dhe në dyqane të tjera me shënimin: “Fileto pule, prodhim EHW”;
  2. Të tregojë, vetë ose nëpërmjet piaristit Kikia, se ku i blen saktësisht kompania “EHW” pulat, si i transporton, ku kryen prodhimin e filetove dhe në çfarë forme;
  3. Të tregojë, vetë ose nëpërmjet piaristit Kikia, faturat e blerjes së mishit të pulës që importohet nga Brazili;
  4. Të tregojë, vetë ose nëpërmjet piaristit Kikia, se sa ton mish importi ka blerë kompania “EHW” dhe për çfarë e ka përdorur këtë sasi.

Pasi të jepen këto përgjigje, “Boldnews.al” garanton kompaninë “EHW” se ato do të publikohen të plota, pa asnjë pagesë, vetëm në përmbushje të qëllimit për informimin e publikut dhe garantimit të shëndetit të qytetarëve.

Do të jetë ky i fundit, pra publiku, i cili më pas do të vendosë “vulën” e vërtetësisë.


PËRGJIGJU

Please enter your comment!
Please enter your name here