Mundal është një fshat në Norvegjinë perëndimore i cili ka më shumë libra sesa banorë. I njohur edhe si “The Norwegian Booktown” vizitohet nga shumë turistë nga e gjithë bota, të cilët i bashkon një pasion i vetëm: dashuria për librat.
Fshati numëron vetëm 280 banorë, thuajse të gjithë fermerë, por më shumë se 150 mijë libra, ç’do shtëpi e braktisur kthehet në një librari.
Në vitin 1996, fshati iu bashkua projektit Booktown, duke u bërë një qytet letrar.
Sot, librat dhe libraritë ndodhen kudo: në stalla të vjetra, në dyqane të dorës së dytë, në lokale, në galeri arti, në rafte përgjatë bregdetit etj. Po ashtu, ndërtesat publike dhe libraritë kanë një tematikë të caktuar, për shembull: histori, art, udhëtime, romane etj. Ndërsa në barin “Kaffistofa” tematikat e librave variojnë në libra kuzhine, libra komikë dhe libra erotikë.
Ky vend është i mrekullueshëm, thuajse surreal. Në Mundal, shumë turistë nga e gjithë bota vijnë për gjueti librash. Sot në botë ekzistojnë rreth 20 “Booktown”.
Në fshatin norvegjez të librave, “The Norvwegian Booktown”, libraritë janë të hapura nga mesi i majit deri në qershor. Nga tetori e më pas, fshati hyn praktikisht në letargji, për t’u rizgjuar nga fundi i prillit.
Librat, libraritë e bibliotekat ndodhen kudo – në stallat e vjetra, në dyqanet e dorës së dytë, në galeritë e artit, në dhomat e hotelit etj.
Rruga kryesore është e mbushur me rafte, me libra të vjetër apo të përdorur. Një libër kushton rreth 1 euro. Për t’i blerë mjafton t’i fusni paratë në arkë.
Libraritë kanë një tematikë të caktuar.
Mundal është gjallëruar falë librave – në të zhvillohen herë pas here aktivitete dhe festivale letrare.
Në Mundal, librat gjenden kudo, madje edhe në kabinat e vjetra telefonike. Apo … në stacionet e autobusit
Megjithatë, Mundal nuk është i vetmi vend që numëron më shumë libra se banorë. Hay-on-Wye në Galles, numëron 1400 banorë, më shumë se 40 librari e biblioteka dhe rreth 2 milionë volume librash. “Book Town:” anglez është krijuar në vitin 1961 nga Richard Booth. Sot platforma lidh të gjithë “qytetet letrare” të planetit, nga Europa në Malajzi, e deri në Australi.
