Debatet në komision/ Deputeti paralajmëron Lleshajn: Pas 16 shkurtit, do mbash përgjegjësi për…

Përditësuar/ Deputeti demokrat Ervin Salianji ka paralajmëruar ministrin Sandër Lleshaj se pas 16 shkurtit (dita e protestës para kryeministrisë) do mbajë përgjegjësi ligjore për dhunën policore të ushtruar në universitete.

Debati

Sandër Lleshaj: Do mbani përgjegjësi ligjore pas 16 shkurtit si njeri që ke shkelur ligjin në mënyrë të drejtpërdrejtë. Në situatë normale jepet dorëheqja.

Ervin Salianji: Të lutem kursejeni prokurorin.

Sandër Lleshaj: Jo, unë jam politikan dhe ruaj interesin publik.

***

Ka nisur me debate seanca e sotme te komisioni i medias, ku ministri i Brendshëm Sandër Lleshaj, është thirrur për të dhënë shpjegime dhe informacione në lidhje me dhunën e ushtruar në ambientet e fakulteteve ndaj studentëve.

Vetëm ministri, ka kërkuar shpjegime se pse është thirrur, duke interpretuar nenin 80 të Kushtetutës, që në fakt flet për interpelancën, pavarësisht shpjegimeve ligjore që i paraqiti Albana Volshi, kryetarja e komisionit.

Komisioni i Edukimit “vë me shpatulla pas murit” Lleshajn: Të dilnit në hetim jo në mbrojtje!

Replikat

Vokshi: Duhet ta kishit kuptuar para se të vinit. T’ia shpjegoj se është ministër i ri e mbase se ka kuptuar.

Lleshaj: Më thuaj nenin për të cilin me ke thirrur.

Vokshi: Duhet ta kishit kuptuar dhe s’duhet ta kishit bërë atë pyetje ose duhet ta kishim sqaruar se ne në komisionin tonë, jo vetëm që se paskeni lexuar dhe kuptuar para së të vini këtu, por nuk raportohet para ministrit se nuk jeni ministër privat. Mbase se kishit kuptuar që ju duhet të raportoni para parlamentit është detyrim kushtetues bazuar në nenin 23 dhe 102 të rregullores jeni këtu për t’iu përgjigjur pyetje për një shqetësim shumë të madh, se ata mbi ju apo nën ju kanë urdhëruar të ushtrojnë dhunë të paprecedentë.

LEXO EDHE  Sikur në Dibër të votohej ndryshe/ Aleati i Bashës rrëfen distancimin nga Rama e Rilindja

Lleshaj: Thashë më thuaj vetëm një nen, neni 80 kërkon tre javë.

Milva Ekonimi: Po lëreni të flasë…

Kejdi Mehmetaj: O Albana po çështë kjo që i kërkon llogari deputetëve ministri duhet të përgjigjet.

Lleshaj: Më jepni 3 javë, kam afat 3 javë sipas nenit 80 të Kushtetutës.

Vokshi: Është për interpelanca, ju futem përgjigjuni.

Lleshaj: Policia s’ka ushtruar asnjë dhunë.

Kërpaçi: Turp t’ju vijë ju deputet të mazhorancës që s’pranoni të justifikojë dhunën policore.

Video/ “Gjuhë horrash dhe bandash si me Ramën, me ne s’e përdor dot!”, Noka i përvishet Keq Lleshajt

/Boldnews.al/