Ish-Kryeministri Sali Berisha deklaroi mbrëmjen e sotme se ndryshimi i kufinjve është skenar i Beogradit.
Në studion e Oranews, Berisha theksoi se ata që ndajnë këtë ide, janë argatë të Beogradit.
“E vërteta është se unë kurrë nuk jam shprehur, nuk kam pranuar dhe nuk pranoj, asnjë lloj ndarje as coptimi të territoreve të Kosovës, unë e konsideroj tokë shqiptare çdo centimetër të atij shteti përfshirë edhe qindra mijëra kilometra jashtë tij.
Argatët e Beogradit në Prishtinë dhe Tiranë japin variantin e Beogradit. Në vitin 2011 unë dhe kryeministri i Kosovës në atë kohë biseduam dhe në fund dolëm me deklaratën se ndryshimi i kufijve do të thotë hapjen e Kutisë së Pandorës.
Argatit ju futën të dy këmbët në një këpucë dhe ky argat vetëm një javë përpara u tha analistëve se me marrëveshjen me Serbinë dhe nënshkrimin për ndryshim territoresh mbyllet Kutia e Pandorës, në 2011 hapej Kutia e Pandorës.
Këta flasin nga mëngjesi deri në darkë me gjuhën e Beogradit. Çfarë përfaqëson Vuçiçi, po lexoj 5 rreshta nga fjalimi i tij i djeshëm: Ne duhet të mbrojmë popullin tonë në Kosovë, a e dinë ata serbë se duhet të hanë ushqimin tonë sepse ushqimi i tyre është i helmuar, të pinë ujë dhe barnat tona’. Ky është një racist i pështirë. Më tej thotë: ‘pranë çokollatave qëndron flamuri serb’.
Ky është miku i ngushtë i Edi Ramës, miqësi për të cilën Rama ka krenari të madhe. Batoni është argat in chef, është kryeargati. Kush i tha Ramës ti varë në qafë çelësin e Tiranës Goran Bregoviçit, i cili është këngëtar i himneve serbe të masakrës së shqiptarëve në Kosovë.
Deri tani, Serbia ka dhënë 50 milion për marrëveshjen. Di që Edi Rama bëri përpjekje të jashtëzakonshme për ta takuar Presidentin Trump.
Ka një lob të fuqishëm pro serb. Në Bruksel është zonja Mogherini. Por ka edhe në diplomacinë amerikane persona të caktuar që lobojnë një marrëveshje të tillë për shkëmbim territori.
Së fundmi edhe zonja Mogherini tha se nuk mund të pranohen marrëveshje me linja të pastra etnike.
Kjo marrëveshje ka një simbol. Problemi i saj është kuadri i Serbisë së madhe për dy arsye. Së pari, e tha Vuçiç, para tre muajsh që Serbia do të bëhet më e madhe në tre fjalime.
Tre komuna e zmadhojnë Serbinë. Pastaj vjen Bosnja. Republika Srbska”, tha Berisha
