Nga Boldnews.al
Studime të shumta të kryera në vendet e zhvilluara, sugjerojnë që fëmijët të mos bëhen imazh i rrjeteve sociale. Më shumë se një “ruajtje etike”, konsiderohet si shkelje e personalitetit të fëmijëve, ku disa shtete dënojnë me gjobë edhe prindërit që publikojnë pamjet e fëmijëve të tyre në rrjetet sociale. Po në Shqipëri ka një “gogol” me veshje “kllouni”, që nuk lë vend pa ambuzuar me imazhin e të miturve, në çerdhe, në kopshte dhe shkolla fillore. Ky është Lali Eri i Bashkisë Tiranë.
Në dy ditët e fundit në faqen e tij në facebook, e ka tepruar me shumë foto dhe video të realizuara në çerdhe dhe kopshte. Më shumë se pamjet e paqtë të fëmijëve, që jetojnë në botën e tyre të pastër, qëllimi i Lali Erit është të dalë në skenë vetë.
Duke përdoruar më të pafajshmit, kërkon të pastrojë imazhin e tij dhe për më shumë të prekë ndjesinë publike sikur ai mendon për të vegjëlit e Bashkisë Tiranë. As fëmijët me nevoja të veçanta nuk kanë shpëtuar pa u bërë pjesë e fushatës së ulët, plot malinjitet dhe shfrytëzues i qëllimeve propagandistike të tij.
Thuajse të gjithë politikanët në vend kanë abuzuar me imazhin e fëmijëve, por rekordmeni i tejskajshëm i abuzivitetit është Erion Veliaj. Veçanërisht në festat e fundvitit, fytyra e Lalit gjezdis televizion më televizion. Po a ka të drejtë që ky njeri, qoftë edhe kryetar bashkie të nxjerrë në profilin e tij social pamjet e fëmijëve, pa lejen e prindërve dhe pa përdorur filtrin etik?
Me kod etik e ka të ndaluar dhe nëse do kishte drejtësi të vërtetë dhe (jo ajo lloj drejtësie që Lalin e shpëtoi nga vdekja e të miturit Ardit Gjoklaj në mbeturinat e Sharrës), Erion Veliaj minimalisht do ishte dënuar me gjoba të majme për keqpërdorimin e imazhit të fëmijëve, pa marrë më parë lejen e prindërve.
Çdo prind e dërgon fëmijën në kopësht, çerdhe apo shkollë nën besim se e ka të sigurt në ambientet shtetërore, por nuk është çudi që ndërsa lundron në internet dhe futet në facebook-un e Erion Veliajt, fëmijën e tij ta shohë në video e foto të publikuara nga kryebashkiaku i Tiranës.
Këtë kod etik, Lali Eri e ka shkelur dhe vijon të abuzojë në mënyrë masive. E nis që nga çerdhet dhe përfundon me nxënësit e shkollave fillore. Filmimet dhe fotot ku Lali Eri shfaqet me fëmijët kryhen nga stafi i tij i madh i propagandës me disa fotografë, kameramanë dhe më pas një tjetër lugini punonjësish të propagandës që kanë për qëllim afishimin e kryebashkiakut.
Çdo ditë në faqen e tij në facebook Erin Veliaj poston pa fund foto të fëmijëve të mitur, në çdo eveniment në shkolla kopshte apo edhe çardhe ai luan me pamjen engjellore të të vëgjëlve dhe për intersin e tij propogandistik i shfrytëzon. Kushdo mund të klikojë në facebook në profilin e Erion Veliajt për të kuptuar dhe vërtetuar abuzimin e madh të kryebashkiakut me pamjet e fëmijëve të mitur.
Koha është tani të ndalet vrulli i tij në shkelje të plotë të etikës, pa asnjë filtër që u mbulon fytyrën të miturve. Nëse ligji nuk fuknsionin për Lalin dhe “lalët” e tjerë të Rlindjes, është detyra e prindërve që t’i kërkojnë kryebashkiakut të Tiranës të ndalë abuzimin dhe shfrytëzimin për qëllime politike e propagandistike të të miturve.
