Kolegji i Posaçëm i Apelimit (KPA) ka regjistruar çështjet që i përkasin ankimit të paraqitur nga ish-gjyqtari i Gjykatës Kushtetuesi Gani Dizdari, ish-gjyqtari i Gjykatës së Tiranës Bledar Abdullai dhe ish-prokurorit Elsion Sadiku, të cilët nuk arritën të kalonin Vetingun.
KPA, ka publikuar edhe trupën gjyqësore për rastet në fjalë.
Në njoftimet në fjalë thuhet:
1. “Në Kolegjin e Posaçëm të Apelimit është regjistruar çështja (JR) nr. 24/2018, datë 25.10.2018 që i përket ankimit të subjektit të rivlerësimit Gani Dizdari kundër vendimit nr. 37 datë 16.07.2018 të Komisionit të Pavarur të Kualifikimit që lidhet me procesin e rivlerësimit kalimtar të subjektit të rivlerësimit Gani Dizdari.
Sot, në datën 30.10.2018, në Kolegjin e Posaçëm të Apelimit, u hodh shorti për caktimin e trupit gjykues, kryesuesin e këtij trupi dhe relatorin e çështjes.
Trupi gjykues i caktuar me short është i përbërë si më poshtë vijon:
Kryesues: Ina Rama
Relatore: Natasha Mulaj
Anëtarë: Ardian Hajdari, Luan Daci, Rezarta Schuetz”
2. “Në Kolegjin e Posaçëm të Apelimit është regjistruar çështja (JR) nr. 25/2018, datë 25.10.2018 që i përket ankimit të subjektit të rivlerësimit Bledar Abdullai kundër vendimit nr. 51 datë 30.07.2018 të Komisionit të Pavarur të Kualifikimit që lidhet me procesin e rivlerësimit kalimtar të subjektit të rivlerësimit Bledar Abdullai.
Sot, në datën 30.10.2018, në Kolegjin e Posaçëm të Apelimit, u hodh shorti për caktimin e trupit gjykues, kryesuesin e këtij trupi dhe relatorin e çështjes.
Trupi gjykues i caktuar me short është i përbërë si më poshtë vijon:
Kryesues: Luan Daci
Relatore: Albana Shtylla
Anëtarë: Ardian Hajdari, Ina Rama, Natasha Mulaj”
3. Në Kolegjin e Posaçëm të Apelimit është regjistruar çështja (JR) nr. 26/2018, datë 25.10.2018 që i përket ankimit të subjektit të rivlerësimit Elsion Sadiku kundër vendimit nr. 50 datë 27.07.2018 të Komisionit të Pavarur të Kualifikimit që lidhet me procesin e rivlerësimit kalimtar të subjektit të rivlerësimit Elsion Sadiku.
Sot, në datën 30.10.2018, në Kolegjin e Posaçëm të Apelimit, u hodh shorti për caktimin e trupit gjykues, kryesuesin e këtij trupi dhe relatorin e çështjes.
Trupi gjykues i caktuar me short është i përbërë si më poshtë vijon:
Kryesues: Ardian Hajdari
Relator: Ina Rama
Anëtarë: Albana Shtylla, Luan Daci, Sokol Çomo
Kujtojmë se gjyqtari kushtetues Gani Dizdari u vendos në pozitë të vështirë për lidhjen e tij me nipin, i cili rezulton se është i dënuar për çështjen e ushtrimit të ndikimit të paligjshëm, edhe pse kjo vepër nuk është në rrethin e veprave të krimit të organizuar.
Gjithashtu, u penalizua edhe nga një borxh që ia ka marrë së bijës. Sipas KPK-së, dy shtetasit që i kanë dhënë një borxh prej 55 mijë eurosh nuk kanë rrethanat dhe mundësitë për të huazuar para’.
Nga ana tjetër Pas seancës dëgjimore të zhvilluar me gjyqtarin Bledar Abdullai, trupa gjykuese është shprehur se Bledar Abdullai ka fshehur pasurinë si dhe ka tejkaluar afatet për gjykimin e çësthjeve në disa raste. Sipas KPK, prindërit e Bledar Abdullait janë investitor të një fondi tek një bankë e nivelit të dytë, por nuk i justifikojnë të ardhurat. Por problemet më të mëdha për gjyqtarin e Tiranës janë zbuluar tek bashkëjetuesia e tij.
Sa i përket ish-prokurorit Elsion Sadiku, sipas KPK-së, pikat ku u cënua figura e Sadikut është blerja e pajisjeve dentare në vitin 2007 për klinikën e bashkëshortes, kontrata e shitblerjes së një pallati dhe pushimi i një çështjeje.
