Duket se kryeministri Edi Rama i ka përjetuar keq ndalimet e fundit të zyrtarëve e ish-zyrtarëve të institucioneve publike. Në mbledhjen e grupit të PS-së Rama ka folur ashpër për të korruptuarit dhe ata që kanë dështuar në drejtimin e këtyre institucioneve.
“Kemi ca drejtore legena që po na nxijnë fytyrën me korrupsion e keqmenaxhim”, ka deklaruar shefi i qeverisë.
Ndërkaq burime nga grupi thanë se Rama ka urdhëruar mbledhje urgjente kryesie pasditen e nesërme. Ndërkohë pas kryesisë do të ketë mbledhje edhe te grupi parlamentar.
