Ministri i Infrastrukturës dhe Energjisë, Damian Gjiknuri, po bën “çudira” me licensimet e firmave private, duke mos mbajtur parasysh, se çfarë veprimtarie kanë, mjafton të bien dakord në pazare dhe, vihet firma e vula mbi licencë.
Ministri i ka dhënë leje për shfrytëzim minierash, një kompanie të licencuar vetëm për tekstile e transferta financiare nga Shqipëria (milionash), për të cilën thuhet se ka klientë më shumë se gjysmën e qeverisë si edhe ca deputetë e drejtorë të tjerë të “rilindjes”, që kanë vila dhe resorte në bregdetin e Vlorës, Himarës e Lalzit.
Ministri Gjiknuri, ka pajisur me leje minerare, për akivitet në Fushë-Laje të Pukës, Shoqërinë “REALIZ”, të krijuar në datën 05.06.2017, si ortakëri “mixe” shqiptaro-turke, me pjesë aksionesh 50%-50%, mes shqiptarit A.N dhe stambolliut R. K.
Ky biznes, që do ushtrojë edhe aktivitet minierash, sipas vetë-deklarimit të tij në QKB, ka si aktivitet vetëm import eksport materialesh tekstile, konfeksione, makineri e pajisje qepëse të tekstileve, përpunim, konfeksionim, qepje dhe tregtim, me shumicë e pakicë të konfeksioneve.
Brenda aktivitetit, Shoqëria “REALIZ shpk”, zhvillon dhe transaksione financiare, nga Shqipëria për jashtë dhe nga jashtë për në Shqipëri e po kështu, promovom dhe shkëmbime tregtare, nga Shqipëria për jashtë dhe nga jashtë për në Shqipëri.
Po çfarë e ka “lidhur” ministrin Gjiknuri, me këtë biznes rrobaqepësie që shfrytëzon miniera, sidomos me me turkun R. Keskin, por “pak” edhe me ortakun shqiptar, të cilët, bashkë me dëngjet e tekstileve, bëjnë dhe “korrierin e eksport-importit” të parave?!/Pamfleti
Ja vendimi “Gjiknuri”, i shpalljes fitues për leje minierare
