Kryeministri Edi Rama në një postim në Facebook, ka treguar se në Gjenevë ndodhet për t’i dhënë përgjigje pyetjes, nëse ekonomia shqiptare rritet apo bie.
Rama shkruan se këtë përgjigje nuk e jep dot as ai dhe as opozita, por tregjet botërore të kapitaleve.
“Ekonomia shqiptare mirë a keq? Rritet a bie? Ka s’ka perspektivë? Sot përgjigjen s’e jap unë, as opozita, as komentatorët e banaqeve a të fejsbukut, as raportet ndërkombëtare, po TREGJET BOTERORE TE KAPITALEVE! Le të presim disa orë për të parë si e shohin tregjet ekonominë tonë”, shkruan Rama në Twitter.
***
FOTO/ Forumi i Ekonomik Botëror në Gjenevë, Rama takohet me Thaçin
Kryeministri Edi Rama ndodhet në Gjenevë në Forumin Ekonomik Botëror, vizitë që ka nisur që prej ditës së djeshme.
Në këtë forum ndodhet dhe Presidenti i Kosovës Hashim Thaçi, i cili është takuar me Ramën.
Ky takim është bërë publik nga kryeministri i Shqipërisë me anë të një fotoje të postuar në Instagram.
“Gjenevë, selia e Forumit Ekonomik Botëror – Me Presidentin Thaçi në tryezën e Dialogut Strategjik për Ballkanin Perëndimor”, shkruan Rama bashkëngjitur fotos.