Djali i deputetit Rraham Rraja do të mbetet në qeli.
Gjykata e Krujës dha sot masën “arrest me burg” për Rexhep Rrajën, djalin e deputetit të PS.
Seanca u mbajt me dyer të mbyllura, pas kërkesës së prokurorisë.
Ndonëse ndaj Rrexhep Rrajës është ngritur vetëm akuza e ‘përndjekjes’, ekspertiza mjeko-ligjore tregoi se 25-vjecarja ishte dhunuar.
Dhunimi i vajzës u bë publik pak ditë më parë, kur oficeri i policisë Emiljano Nuhu dëshmoi për dhunën e ushtruar ndaj vajzës së re dhe akuzoi policinë për neglizhencë si dhe tregoi se ishte kërcënuar me armë në prani të zyrtarëve të lartë të PS-së, mes tyre deputetit Taulant Balla.
