Qendrat e votimit u hapën dje në rajonet e Sirisë nën drejtimin e regjimit të Bachar al-Assad, këto janë zgjedhjet e para lokale që nga viti 2011, raportoi agjencia zyrtare e lajmeve ”Sana”.
Zgjedhësit kanë të drejtë të shprehin verdiktin e tyre me votë për këshilltarët bashkiakë në këtë shtet, ende në gjendje lufte.
Pas më shumë se shtatë vite luftë të përgjakshme dhe në sajë të ndihmës së aleatit rus, i cili e ka mbështetur ushtarakisht duke i qëndruar në krah, regjimi sirian kontrollon tashmë gati dy të tretat e vendit, megjithëse luftimet vazhdojnë në disa rajone.