Të gjithë ishin të sigurtë se në këtë merkato vere Joao Mario do të largohej nga Interi, por tani që duhen edhe pak ditë që afati kalimtar të mbyllet në të gjithë kampionatet e Europës, portugezi duket se do të mbesë ziklatër.
Në fillim për mesfushorin pati disa oferta nga “Premier League”, por ata ishin larg pritshmërive të zikaltërve që e blenë futbollistin nga Sporting për mbi 40 mln euro.
Gjithashtu për fantaziztin thuhet se interes ka shfaqur Besiktas nga Turqia, por vetë ai nuk e dëshiron këtë transferim pasi nuk i pëlqen ideja e largimit drejt një kampionati të tillë.
Hipoteza e fundit për Joao Mario-n ishte Real Betis, por spanjollët shumë shpejt pritet të zyrtarizojnë një ish-ziklatër si Rafinha. Në këto kushte, sipas “Gezzeta dello Sport”, portugezi me shumë mundësi do të qëndrojë te Interi, duke shpresuar se zikaltërve në vazhdim mund t’ju hyjë në punë pasi marrin pjesë në 3 kompeticione të rëndësishme.