Tritoli në banesën e Gazmir Dacit në zonën e Bathores duket se ka një emër, pasi policia ka arrestuar një të dyshuar. Policia ka arrestuar 24 vjeçarin me iniciale V.B, me origjinë nga Kukësi, banues në zonën e Kamzës.
Arrestimi ka ndodhur dje rreth orës 21:00 nga efektivë të komisariatit 5 në Kamëz, ndërsa ngjarja ndodhi më 27 korrik. I arrestuari V.B me precedentë penal për vjedhje është vënë në prangat e policisë. Dyshohet se tritoli në familjen e Gazmir Dacit është vendosur për shkak të hasmërisë.
Gazmir Daci është i dënuar për vrasjen e Valmir Kolaverit katër vjet më parë dhe që nga ajo kohë mes dy familjeve ka pasur konflikte të vazhdueshme. Daci u dënua me burgim të përjetshëm, po më pas përfitoi ulje dënimi në 35 vite burg, ndërsa iu bë atentat me snajper në burgun e Vaqarrit, por pa arritur që ta eleminojnë.
