Kreu i grupit parlamentar të PS, Taulant Balla është paraqitur tek Gjykata e Krimeve të Rënda pasi paditi Bashën për shpifje në Kuvend ndërsa kërkoi edhe procedim ndaj tij lidhur me dekonspirimin e operacionit që çoi në sekuestrimin e Toyotave Yaris me 3.4 mln euro.
Ndërkohë kreu i PD nuk është paraqitur në seancën e sotme por është përfaqësuar nga avokati i tij.
Balla refuzoi të ishte pjesë e seancës, duke dhënë si argument mungesën e Bashës.
“Nuk do ta ulja nivelin tim me punëtorët e Bashës, nuk përballem me ta, jam gati me të përballem me Lulzim Bashën edhe nëse vonohet nga Amerika”- u shpreh Balla.
“Lulzim Basha, ky qenka një person i cili bën shejtan budallain, hedh një akuzë dhe një shpifje dhe sot me informon avokati qe Basha nuk është paraqitur për tu përballur me mua për shpifjen. Nëqoftëse do të kishte burrërinë duihet te kishte qene i pari që do i drejtohej prokurorisë”, tha Balla.
Balla bën me dije se kallëzimit do t’i depozitojë dhe shtesa të tjera sepse ka elemente të rinj që e bëjnë Bashën një person i cili ka pasur dijeni dhe i njeh mirë personat që janë në kërkim.
“Më lini kohë deri nesër ju gazetarëve, për t’ku venë në dispozicion gjithë dokumentin e provat e raj që bëjnë përgjegjës Lulzim Bashën”- paralajmëroi Balla.
“Thonë që ka ikur ne SHBA i sugjeroj nëqoftëse është atje, sepse ai e ka zakon ti fshihet drejtësisë, në rast se është në Amerikë të japë shpjegime përpara organeve ligjvënëse për 500 mijë dollarët të sponsoriazuara për PD.
Apeli im sot është përkundrejt Krimeve të Rënda, të thirret menjëherë personi Lulzim Basha i cili siç ka bërë pohime në sallën e kuvendit është një person që ka dijeni për ngjarjen.
Lulzim Basha i njeh fare mirë ata nuk është rastësi gjendja në zyrën e tij të një prej vëllezërve të personave në kërkim”, u shpreh Balla.
Ndërkohë, Balla garantoi qytetarët se në fund të këtij procesi, me vendim gjykate Basha do i kërkojë ndjesë për shpifjet pa asnjë bazë sipas tij.
