Maturantët çdo vit e më shumë zgjedhin të studiojnë jashtë Shqipërisë për arsye që tashmë dihen. Sipas Qendrës së Shërbimeve Arsimore janë rreth 8 mijë e 800 maturantë që duan të ndjekin studimet jashtë vendit, rreth dy mijë më shumë në krahasim me vitin e kaluar.
Drejtore e Qendrës së Shërbimeve Arsimore (QSHA), Rezana Vrapi siguron se maturantët që kanë aplikuar për tërheqjen e diplomës do ta kenë atë në dorë brenda afatit.
Ky numër përbën rreth çerekun e rreth37 mijë maturantëve, që mbaruan shkollën e mesme gjatë këtij viti shkollor.
Po ku preferojnë t`i ndjekin studimet e larta të rinjtë shqiptarë?
Ndonëse për vite me radhë Gjermania ka kryesuar listën, së fundmi janë vende të tjera si Londra dhe Holanda që po “joshin” të rinjtë përmes bursave.
