Memfis Depai, një nga lojtarët që nuk arriti të jepte çfarë pritej tek Mançester Junajtid, dhe që tashmë luan tek Lion, është shumë pranë transferimit tek Milani. Siç shkruan Tuttosport, ka qenë pikërisht trajneri i kuqezinjve, Xhenaro Gatuzo, i cili ka ndjekur nga afër sulmuesin gjatë miqësores që Holanda zhvilloi ndaj Italisë në stadiumin e Juventusit.
24-vjeçari ka pranuar të firmosë për 5 vite me Milanin, nga ku do të fitojë edhe 5 milionë euro në sezon. Lion e vlerëson Depain rreth 40 milionë euro, dhë kërkon të përfitojë sa më shumë pasi edhe Junajtid ka një pjesë të këtij transferimi.