Ministri i Jashtëm grek, Nikos Kotzias ka njoftuar kryeministrin Aleksis Tsipras për vizitën e tij në Shkup dhe takimet me krerët e shtetit maqedonas.
Mediat greke njoftojnë se Kotzias i ka thënë Tsiprasit se ka përparime të theksuara dhe klimë të mirë në Shkup për tejkalimin e debatit për çështjen e emrit, por se dallimet mes palëve mbeten ndryshimet kushtetuese.
Diskutimet mes Greqisë dhe Maqedonisë në lidhje me çështjen e emrit e ka komentuar edhe eurodeputetja kroate Petir, e cila thotë se do të ketë destabilizim nëse vazhdon presioni ndaj Maqedonisë.
“Nëse vazhdojnë presionet ndaj Maqedonisë, do ketë destabilizim të rajonit. Mendoj se Maqedonia asnjëherë nuk duhej që të ishte sjellë në këtë pozitë dhe këtu një pjesë të përgjegjësisë e ka edhe BE-ja pasi në çështjen e Maqedonisë tregoi standarde të dyfishta dhe e lejoi Greqinë që ta shfrytëzojë dhe keqpërdor Maqedoninë”, – ka thënë Marijana Petir.
Qytetarët nga ana tjetër po kundërshtojnë bisedimet për zgjidhjen e emrit.
Bisedimet e reja mes palëve të ndërmjetësuara nga Nimic do të mbahen më 30 mars në Vjenë.