Ish-lojtari i Chelsea-t, Didier Drogba është i bindur se Jose Mourinho dhe Paul Pogba do të lënë shumë shpejt pas marrëdhënien e tyre të tensionuar te Manchester United.
Pogba ka marrë mjaft kritika së fundmi dhe nuk është aktivizuar në tri takimet e fundit të “Djajve të kuq”, sepse tekniku portugez ka përzgjedhur në vend të tij Scott McTominay dhe Marouane Fellaini-n.
Por Drogba, i cili ka pasur si trajner Mourinho-n te Chelsea mendon se sjellja e portugezit ndaj Pogba-së, edhe pse mund të duket e ashpër tregon se ai është mjaft i dhënë pas francezit dhe ka dëshirë që ta sfidojë atë.
Madje sulmuesi nga Bregu i Fildishtë kujton se ai pati mjaft përplasje me “Special One” gjatë kohës kur të dy ishin në “Stamford Bridge”, ku dhe fituan tri tituj Premier League së bashku.
“Mes nesh situata ka qenë edhe më e tensionuar më shuam se një herë, por Jose kurrë nuk do të sulmojë njerëz që ai nuk ika qejf. Ai e pëlqen Paul shumë. Kjo është arsyeja se përse i je atij shumë përgjegjësi” – shpjegoi Drogba, i cili aktualisht luan për klubin amerikan Phoenix Rising.
