Ministri i Shtetit për Diasporën, Pandeli Majko foli lidhur me hapjen e kufirit dhe lëvizjen e lirë mes Kosovës dhe Shqipërisë ku u shpreh qartë se pengesë nuk është politika por biznesi.
Makjo, i ftuar në emisionin ‘Përballë’ në RTSH u shpreh se deri tan nuk i ka lënë biznesi që të hapet kufiri pasi kjo gjë ndikon drejtpërdrejtë në uljen e çmimeve të produkteve të tyre.
Më tej Majko u shpreh: “Pas nesh qëndrojnë bizneset dhe bizneset na thonë “prit, kujdes, mos hap kufirin, se më duhet mua koncesioni atje, mos ma hap kufirin se më ul mua çmimin e mallrave, nuk më duhet mua politika, se më intereson më mirë të hyjë malli nga ky drejtim se sa nga ai drejtim..
Pavarësisht se duket sikur po qeveris politika, gjithmonë e më tepër rregullin po e vendos biznesi.
Sikur ta vendoste në fokus të interesave ia kisha bërë hallall, por ngandonjëherë vendimmarrja nën lobingun e biznesit është për të qarë hallin dhe nëse ka një pamje të ulët të keqtrajtimit që biznesi po i bën politikës është moslënia e lëvizjes së lirë të njerëzve mes Shqipërisë dhe Kosovës, është në nivelin e krimit”.
