Një i moshuar është gjendur i vetëvrarë në oborrin e shtëpisë së tij në Gjirokastër. Ngjarja raportohet të ketë ndodhur mëngjesin e djeshëm rreth orës 06.30 në fshatin Fushëbardhë.
77-vjeçari R.O. , i cili dyshohet se vuante nga skleroza, është vetëvrarë me armë gjahu teke.
“Më datë 06.01.2018, rreth orës 06:30, në fshatin Fushëbardhë, në oborrin e banesës, është gjetur i vetëvrarë me armë gjahu teke, shtetasi R.O., vjeç 77, i cili vuante nga skleroza. Me cilësinë e provës materiale u bllokua arma e gjahut teke e markës “CBS”, me nr. 1580252, kalibër 12 mm, një gëzhojë markës “Moden Nobël Sport 12” dhe leja e armës. Materialet u referuan në Prokurorinë e Rrethit Gjyqësor Gjirokastër, për ngjarje aksidentale,” shkruhet në njoftimin e policisë.
