Socialistët nuk kanë humbur kohë për të thirrur një prej forumeve më të rëndësishme të saj, Asamblenë Kombëtare që në mbledhjen e kësaj të shtunë pritet të ndryshojë sekretariatin dhe të kalojë në sitë punën e qeverisë, por edhe të analizojë zhvillimet brenda partisë.
Mësohet se në takimin që do të mbahet tek Xibraku, do të jetë në fokus ndryshimi i sekretariatit të përbërë nga 8 sekretare ndërsa një vend të veçantë të diskutimit do të zërë diskutumi për ecurinë e zgjedhjeve në parti.
Sekretariati aktual i PS përbëhet nga Musa Ulqini, Taulant Balla, Elisa Spiropali, Bashkim Fino, Ilir Beqja, Alfred Peza, Stefan Çipa dhe Blerina Gjylameti.
Taulant Balla, Sekretari i Përgjithshëm
Ilir Beqaj, Koordinatori Kombëtar për Programin
Bashkim Fino, Sekretar për Organizimin Administrativ
Alfred Peza, Sekretar për Organizimin Digjital
Musa Ulqini, Sekretar për Organizimin e Burimeve Njerëzore
Stefan Çipa, Sekretar për Emigracionin
Elisa Spiropali, Sekretare për Rininë
Blerina Gjylameti, Sekretare për Koordinimin Elektoral
