Një shqiptar u arratis nga arresti shtëpiak në banesën e së motrës në Salsomaggiore Terme, ndërsa vazhdonte të postonte në Facebook foto me selfie nga vende të ndryshime. Ikja nga arresti shtëpiak ndodhi më 27 shtator.
Nëpërmjet vëzhgimit të fotografive të hedhura në rrjet, duke njohur edhe të dashurën e njërit prej personave në foto, u arrit të gjendej banesa ku jetonte shqiptari në qendrën historike në Parma.
46 vjeçari shqiptar Mirgen Dedgjonaj u arrestuar nga policia në Parma në bashkëpunim me kolegët e tyre në Forlì, ku përveç tij përfunduan në pranga edhe dy shqiptarë të tjerë, përkatësisht Elis Hoxha dhe Ndue Zefi, 21 dhe 22 vjeç, nën akuzën e vjedhjeve të vogla dhe krimet që lidhet me emigracionit.
Hetimet kanë zbuluar se ata qëndrojnë pas një grabitje të kryer më 10 tetor 2017 në një apartament në Forlì. Nga hetimet është zbuluar se në grabitje është përfshirë edhe 46 vjeçari, i cili ligjërisht duhet të ishte nën arrest shtëpiak.
Policia e Parmas kanë konstatuar kështu se njeriu kishte ikur nga shtëpia e motrës së tij që në fillim të 27 shtatorit.
Por, më 24 nëntor, gjykata e Milanos ka lëshuar një urdhër-arresti ndaj tij duke i dhënë një dënim të formës së prerë prej 6 vite e 9 muaj burg për disa krime të kryera në këtë provincë në vitin 2014.
46-vjeçari u arrestua si për urdhrin e arrestimit nga Milano dhe për masën paraprake të lëshuar nga gjykata e Riminit për largim nga arresti shtëpiak, raporton ora news.
Nga vjedhjet e fundit të grupit, janë zbuluar 15 orë të shtrenjta, bizhuteri, veshje, dhe sende të tjera me vlerë disa mijëra euro.
Të tre janë tani në burg në Parma.
