“Ja na erdhi viti i ri”, kjo ka qenë kënga që një vit më parë ambasadori i SHBA-së, Donald Lu, së bashku me stafin e ambasadës amerikane, kënduan për qytetarët shqiptarë për festat e fundvitit.
Ndërsa, këtë fundvit, 40 diplomatët amerikanë dhe anëtarë të personelit vendas, përfshi Ambasadorin Donald Lu, kanë zgjedhur një tjetër këngë.
I veshur me kapuç, dorashka dhe shall, ambasadori Lu këndon këngën klasike të festave “Jingle bells” në oborrin e ambasadës amerikane në vendin tonë.
Kënga e urimit për këtë fundvit, është realizuar në bashkëpunim me këngëtarët Venera Lumani dhe Lindi Islami.
