Deputeti i PS, Ulsi Manja ka deklaruar se ai dhe deputetja Felaj nuk kanë votuar gjatë seancës për zgjedhjen e kryeprokurores së përkohshme.
I ftuar në emisionin “Kjo Javë” të Nisida Tufës, Manja tha se deputetët e opozitës i privuan të drejtën e votës atij dhe deputetes Felaj, duke ju marrë kartonët e votimit.
“Unë dhe deputetja Felaj nuk votuam për kryeprokuroren”- u shpreh ndër të tjera Ulsi Manja.
Gjithashtu ai ka komentuar edhe situatën në seancën e fundit parlamentare, për të cilën u shpreh se ishte e turpshme ajo që ndodhi në sallë dhe se në 27 vite nuk ishte parë një sjellje e tillë.
