Shkeljen e Kushtetutës për votimin e Kryeprokurores në Kuvend, deputeti i LSI-së Endrit Braimllari e ka quajtur të papranueshme.
Braimllari ka lëshuar akuza të forta ndaj deputetes së PS-së, Vasilika Hysi, e cila, sipas tij i ka bërë presion.
“Habitem pse sot nuk është ministri i Jashtëm, Bushati i ftuar se ka përdorur një fjalor jashtëzakonisht të turpshëm për deputeten Mehmetaj, më vjen turp mua si mashkull të them ato fjalë. Është e turpshme ajo që bëri deputeti Celaj që ushtroi dhunë ndaj deputetes Mehmetaj”, tha Braimllari.
Në vijim, ai ka treguar se deputetja e PS-së, Vasilika Hysi i bëri presion, duke i thënë se do përfundonte në burg.
“Vasilika Hysi më bëri presion në seancë që do përfundosh në burg dhe babai jot do ketë pasoja, sepse është gjyqtar. Ndërkohë babai im nuk është gjyqtar. Ju përdorni refomën për t’i bërë presion çdo shqiptari. Keni shkelur Kushtetuten dhe parimin e shtetit të së drejtës”,tha ai.
