Ambasadori amerikan Donald Lu do të takohet me Prokuroren e përkohshme Arta Marku në orën 10:00.
Takimi i ambasadorit amerikan do të zhvillohet në Prokurorinë e Përgjithshme, para mbledhjes që Marku do të ketë me vartësit e saj.
Lu e ka përkrahur zgjedhjen e Prokurores së Përkohshme.
Një ditë më parë, ambasadori u takua më vete me krerët e partive opozitare, Kryetarin e PD, Lulzim Bashën dhe kryetaren e LSI, Monika Kryemadhi, pas protestës që mbajti brenda dhe jashtë Kuvendit, opozita, për të kundërshtuar zgjedhjen e Prokurores.
