Policia jep detaje për përplasjen me armë të ndodhur në Palasë të Himraës ku një person u plagos. Sipas asaj që thotë policia, salla operative e Himarës u njoftua nga një telefonatë se në aksin Himarë – Llogara, në fshatin Palasë është plagosur me armë zjarri një shtetas. Nga patrulla që shkoi në vendin e ngjarjes mësohet se i plagosur ka mbetur 70-vjeçari me iniciale B.G. i cili punon si shofer taksie.
Ai është qëlluar me armë në të krahë nga 2 persona të cilët kanë qenë pasagjerë në mjetin e tij. I plagosuri është dërguar në spital ku ndodhet jashtë rrezikut për jetën. Autorët janë zhdukur pa lënë gjurmë ndërsa policia thotë se ka ngritur pika të shumta kontrolli me qëllim kapjen e tyre. Janë të paqarta ende rrethanat dhe motivet e ngjarjes.
