Kryeministri Edi Rama ka pritur ditën e sotme familjen e elektricistit i cili humbi jetën në krye të detyrës në Fier, disa ditë më parë si pasojë e një defekti të ardhur nga moti i keq.
Kryeministri ka nderuar me medaljen e “Mirënjohjes” elektricistin Sabri Vliga, gjithashtu tha se OSHEE do të mbështesë financiarisht familjen dhe shkollimin e vajzës studente të tij.
Postimi i plotë:
Nderim me medaljen e Mirënjohjes së Kryeministrit për të rënin në krye të detyrës, specialist i dalluar i OSHEE-s, babai i dy fëmijëve, Sabri Vlinga, i cili humbi jetën gjatë punës për përballimin e fatkeqësisë natyrore të fillim dhjetorit🙏
OSHEE do të mbështesë financiarisht familjen dhe mbulojë shkollimin e vajzës studente deri në diplomimin e saj.